No telexornal, o catedrático de botánica confirma que (sempre que non apodrenten o monte, o río nin ós homes) as fragas poderían recuperarse en dez ou doce anos.
A vella mira pola fiestra o negrume borrallento sobre o que está pousado o día.
- Non chores - acaléntaa o vello - xa oíches que, total, a meirande parte eran fentos.
- Coitado - replica ela - o que veu dicir o perito é que, aquí, nin ti nin eu volveremos ver a primavera.
